Чирмешән районында сайлаучылар 34 участокта тавыш бирә

Районда 34 сайлау участогының барысы да иртәнге сәгать 7 дә үк ачылды, комиссияләр эшкә кереште. Аларда Гомумроссия “Чиста сайлаулар өчен корпус” иҗтимагый хәрәкәтеннән күзәтүчеләр дә бар.

-Участокларда 20 сәгатькә кадәр тавыш бирергә мөмкин, үзең белән паспорт алып килергә кирәк, - ди район территориаль сайлау комиссиясе рәисе Рамил Әхмәдуллин. –Референдум уңаеннан сораулар туса, безнең комиссиягә 2-53-07 телефоны буенча шалтыратырга мөмкин.

Чирмешән районында референдумда катнашучылар исемлегендә 14 мең 748 кеше теркәлгән.

Күпчелек җирлекләрдә үзсалым бер кешедән 500 сум күләмендә билгеләнгән.