Депутат Людмила Рыбакова чирмешәнлеләргә, азык –төлек алуга, акча җибәргән
ТР Дәүләт Советы депутаты Людмила Рыбакова авыр тормыш хәлендә калган якташларыбызга азык – төлек алуда матди ярдәм күрсәтте.
- Районда андый гаиләләр дә бар, - ди Чирмешән авыл җирлеге башкарма комитеты җитәкчесе урынбасары Надежда Гомәрова. – Без депутат җибәргән акчага азык- төлек пакетларын ялгыз яшәүче һәм бүген чыннан да бик авыр хәлдә калган якташларыбызга илтеп тапшырдык.
Пакетка иң кирәкле: тоз, шикәр, ярмалар, көнбагыш мае һәм башка кирәкле әйберләрне куйганнар.
Чирмешәннең Заречная урамында ялгыз яшәүче 75 яшьлек Виктор Игнатьев мондый көтелмәгән бүләккә нык гажәпләнде һәм бик сөенде.
- Чыгып йөрергә ярамый бит, шуңа да кибеткә дә барганым юк. Социаль хезмәткәргә рәхмәт, ул еш шалтырата, хәлемне белеп тора, кибеттән кирәк-яракларны алып кайта. Ләкин бит, тормыш булгач, көн дә берәр нәрсә кирәк, ә пакетка бик күп әйбер куйгансыз. Депутатка рәхмәтемне җиткерегез, - ди озак еллар “Красный Октябрь” колхозында озак еллар механизатор булып эшләгән Виктор Петрович.
Чыганак "Безнең Чирмешән" http://nashcheremshan.ru/news/beznen-rayonda/deputat-lyudmila-rybakova-chirmeshnlelrg-azyk-tlek-aluga-akcha-ibrgn