18 февральдә Чирмешәндә Яшьләр мәйданчыгында Май чабу бәйрәмендә кунакларны кайнар чәй һәм коймак белән сыйладылар. Чараны оештыруда район мәдәният йортлары хезмәткәрләре күп көч куйды. Шулай ук бәйрәмгә Баулы районы Крым-Сарай мәдәният йортының Сударушка фольклор ансамбле дә килгән иде. Авыл җирлекләре палаткалар корып, халык иҗаты күргәзмәсе дә оештырдылар.