2019 еның 29 июленнән 3 августына кадәр Чирмешән районында оператив хәлнең торышы

29 июльдән 3 августка кадәр район полиция бүлекчәсендә 28 хәбәр кабул ителгән.

Полициянең участок уполномоченныйлары 3 административ беркетмә төзегәннәр.

Район юлларында бер юл-транспорт һәлакәте теркәлгән – матди зыян белән, имгәнүчеләр юк. Юлда йөрү кагыйдәләрен бозуның 68 очрагы ачыкланган.

Билгесез кешеләр Лашман авылында ремонтланучы авыл мәдәният йортыннан такталар урлаганнар. Тикшерү бара.

Чирмешәннән бер хатын-кыз Шешминка авылында бер ир-атның өеннән кесә телефонын һәм 5 мең сум акчасын чәлдергән.

Югары Чегодай авылы кешесе хуҗалыгыннан үлән чапкыч -триммер һәм алюминий фляга “аякланган”. Угрылыкта шушы авыл кешеләре шикләнелә.

Районда “Яшүсмер” эзләү-профилактик чарасы төгәлләнә һәм “Урак-2019” операциясе башланды.