РСФСРның Атказанган азык - төлек индустриясе хезмәткәре - Пронькина Надежда Ивановна мемориаль үзәк экспозициясендә

2019 елның 21 ноябре, пәнҗешәмбе

Мемориаль үзәктә «Музейга экспонат бүләк ит» музей акциясе дәвам итә. Иляевлар гаилә архивыннан мемориалга Мактау грамоталары һәм бүләкләү кәгазьләре, диплом һәм хезмәт кенәгәсе, Рәхмәт хатлары һәм бүләкләү турында приказлар, газета мәкаләләре һәм башка документлар керде.  Район газетасында 1989 елның 25 декабрендә РСФСР Югары Советы Президиумының «РСФСР азык-төлек индустриясенең атказанган хезмәткәре» дигән мактаулы исем бирү турындагы Указы дөнья күрә. Бу газета гаиләдә утыз ел саклана. Гаилә архивы даими музей экспозициясендә тәкъдим ителәчәк.