"Туган як җәүһәрләре" район халык иҗаты фестивале

2019 елның 18 декабре, чәршәмбе

17 декабрьдә район мәдәният йорты сәхнәсендә «Туган як җәүһәрләре» район фестивале кысаларында аграр техникум һәм өлкәннәр һәм инвалидлар  йорт-интернаты үзешчәннәре чыгыш ясады, жюри һәм тамашачылар хөкеменә 20 концерт номеры тәкъдим итте. Гала-концертка 8  номеры сайлап алынды. Шунысын да билгеләп үтәсе килә, аграр техникумнан фестивальгә күбрәк студент җәлеп ителде, аларның программасында подтанцовка белән соло номерлары да, хореография композициясе дә, йорт-интернат та массакүләм номерлар белән аерылып торды. Алар ике вокаль ансамбль - рус һәм татар вокаль ансамбле, соло номерлары тәкъдим иттеләр.  Вера Садыйкова башкаруында «Алешенька» шигыре беркемне дә битараф калдырмады.