Яңа ел бәйрәме уңаеннан чаралар циклы
Яңа 2020 нче ел алдыннан Үзәк балалар китапханәсе хезмәткәрләре төрле чаралар циклы үткәрделәр.
Яңа ел бәйрәмнәре вакыты-ул матур, якты әкият чоры, ул һәр йортка һәр ел ахырында салкыннар башлану белән килә. Бу бәйрәмнең килеп чыгышы, Яңа ел традицияләре, төрле илләрдә аны үз гореф-гадәтләре һәм атрибутлары белән ничек каршы алулары турында күпләр белми. 1 нче Чирмешән урта мәктәбенең 4 нче сыйныф укучылары өчен «Яңа ел: тарих һәм традицияләр» дип исемләнгән танып-белү сәгате үткәрелде, анда балалар яраткан бәйрәм турында барлык сорауларга да җаваплар алдылар. Слайд-презентация күрсәтү белән әңгәмә тыңлаганнан соң, балалар Яңа ел викторинасында һәм табышмаклар конкурсында катнаштылар.
Үзләренең актив укучылары өчен «Яңа ел серпантин» уен программасы үткәрделәр, анда әкият персонажлары, Кыш бабай һәм Кар кызы белән күңел ачтылар. Барлык катнашучылар да бүләкләр һәм татлы призлар алдылар.
Аз тәэмин ителгән, күп балалы гаиләләрдәге балалар, шулай ук сәламәтлекләре буенча мөмкинлекләре чикле балалар өчен оештырылган Яңа ел чыршысында катнаштылар. Балалар өчен «Яңа ел фантазияләре» дигән иҗади мәйданчык оештырылган иде.
"Яшь китапханәче" түгәрәгенә йөрүче балалар белән "Кышкы фантазия" рәсем конкурсы, "Кышкы калейдоскоп" табышмаклар конкурсы,"Кыш могҗизалары" викторинасы үткәрелде.