Җирлекара концертлар дәвам итә

27 гыйнвардан 2 февральгә кадәр 5 күчмә җирлекара концерт булды. 30 гыйнварда җирлекара ике концерт булып узды. Яңа Элмәле авыл җирлеге үзешчәннәре Сосновкада чыгыш ясадылар, ә Әмирдә Утыз Имән артистлары үзләренең иҗади сәләтләре белән уртаклаштылар. 31 гыйнвар көнне Иске Котыш авыл җирлеге артистларының Әккәрәйдә җирлекара концерты булды. Иске Үтәмеш авыл җирлеге артистлары 1 нче февраль көнне Бәркәтә авылында чыгыш ясадылар. Шул ук кичтә Кармыш халкын Иске Кади авыл җирлеге артистлары үзләренең иҗат җимешләре белән сөендерделәр.