Мемориаль үзәк

2020 елның 14 июле, сишәмбе

Мемориаль үзәктә Бөек Ватан сугышы ветераны РФ Атказанган табибы Силантьев Иван Гурьевичның 125-еллыгына багышланган күргәзмә әзерләнә. Ике сугышта катнашкан, ун елдан артык баш табиб булып эшләгән, Силантьев өч меңгә якын операция ясаган һәм Беренче Май районында трахоманы тулысынча дәвалаган. Күргәзмәдә Иван Гурьевичның шәхси китаплары һәм медицина инструментлары, документлары һәм фотосурәтләре урын алачак.