"Көлке кооперативы" шаяннар тапкырлар клубы командасы Казанда зур фестивальдә чыгыш ясады һәм киләсе турга узды

2020 елның 18 ноябре, чәршәмбе

Районның "Көлке кооперативы" клуб учреждениеләре хезмәткәрләренең КВН командасы "Әйдә, шаяРТ" телевизион юмористик шоу фестивалендә катнашты. 12 ноябрьдән 15 ноябрьгә кадәр республика районнарыннан һәм Россия төбәкләреннән 21 команда чыгыш ясарга әзерләнде, ә инде 16 ноябрьдә катнашучылар үз осталыкларын Г. Кариев исемендәге театр сәхнәсендә күрсәттеләр. Безнең команда яхшы нәтиҗәләр күрсәтеп, фестивальнең икенче этабына уздылар.