27 ноябрь көнне район мәдәният йортында музыкаль квиз узды

2020 елның 30 ноябре, дүшәмбе

27 ноябрь көнне район мәдәният йортында Халыкара Әниләр көненә багышланган музыкаль квиз булды. Квизда районның төрле оешмалары һәм учреждениеләреннән 6 команда катнашты. Уен биш раундтан торды, алар барышында катнашучыларга 10 сорауга җавап бирергә тәкъдим ителде. Уен нәтиҗәләре буенча 1 урынны «Ландыш» балалар бакчасы командасы яулады, 2 урынны картлар һәм инвалидлар өчен интернат-йорт командасы, 3 урынны «Каенкай» һәм «Әкият» балалар бакчасының җыелма командасы яулады. Чара ахырында барлык катнашучыларны кайнар чәй белән сыйладылар һәм җылы, күңелле концерт бүләк иттеләр.