“Кечкенә Малевич” иҗат сәгате

2021 елның 7 июле, чәршәмбе

Эстетик тәрбия һәм балаларның ялын оештыру кысаларында Үзәк балалар китапханәсе “Кечкенә Малевич” иҗат сәгатен уздырды.

Балалар китапханәченең рәсем сәнгате турында сөйләгәнен тыңладылар, рәсем сәнгате турында китаплар һәм альбомнар белән таныштылар, танылган рус һәм чит ил рәссамнары турында видеоролик карадылар, Третьяков галереясе буенча виртуаль экскурсия ясадылар. Соңыннан, үзләрен рәссамнар ролендә сынап карадылар, авторлык картиналарын ясадылар.