Авыл хуҗалыгы
✨ АВЫЛ ХУҖАЛЫГЫ ✨
🌾 Чирмешәнлеләр таңнан караңгы төнгә кадәр эшлиләр.
Чирмешән аграрийларының хәзер иң кызу чоры.
🌾 Һәр минут исәптә, шуңа да иртә таңнан кичкә кадәр эшлиләр. Өлгергән бодайның татлы исе, комбайннар гөрелтесе белән тулган кызу көннәр һәм җылы төннәр, алтын ашлык тавы — болар барысы да уракка төшкәнне аңлата.
🌾 Районның күпчелек авыл хуҗалыгы предприятиеләре көзге, сабан культуралары җыюга керештеләр. Көзге бодай җыюга беренчеләрдән булып "БИО-АГРО" ҖЧҖ кереште.
Һава торышының игенчеләргә уңай булуы куандыра, ә бу-иң мөһиме.
🌾 Хәзерге вакытта 12198 га (планның 28%) суктырылган, шул исәптән көзге арыш 46 га, көзге бодай-8237 га, борчак-871 га, солы-260 га, арпа-2784 га, уртача уңыш-12,7 ц/га.
🌾 Бүгенге көндә район кырларында 79 берәмлек эре һәм вак авыл хуҗалыгы товарлары җитештерүчеләр комбайны эшли.
🌾 Барлык фермерлар да диярлек урып-җыю эшләренә керештеләр.
#черемшан #черемшанскийрайон #чирмешэн