30 августта Республика көне үтте
30 август көнне Чирмешәннең картлар йорты янындагы паркта Татарстан Республикасы көненә багышланган масштаблы чара узды.
Быел да Программа бик бай булды: бәйрәмне 17.00 сәгатьтә балалар өчен анимацион «күңелле автобус» уены ачып җибәрде һәм район чәчәкләр фестиваленә күчте, анда районның клуб учреждениеләре катнашты. Эшләнмәләр, тәмле ризыклар, җырлар һәм шигырьләр бу көнне чәчәкләргә һәм табигатькә багышланган иде.
Яңа Кади авыл җирлеге тарафыннан бизәлгән мәйданчыкка тиңнәр булмады, ул беренче урынны алды.
Үзәкләштерелгән китапханәләр системасы хезмәткәрләре дә тырыштылар. Алар хәтта Татарстанга багышланган китап күргәзмәсен дә чәчәкләр белән бизәделәр һәм үз фотозоналарын булдырдылар. Алар икенче урында.
Шулай ук Ивашкино авыл җирлеге мәдәният хезмәткәрләре дә иң яхшылар рәтендә. Аларның мәйданы иң зур иде. Күпләр хәтта әккәрәйлеләр алып килгэн күбәләк белән истәлеккә фотога төште.
Бәйрәмнең тантаналы өлешен Чирмешән муниципаль районы башлыгы урынбасары Җамалетдинов Габдерәшид Мөдәрис улы ачып җибәрде. Ул барлык чирмешәнлеләрне һәм бәйрәм кунакларын Республика көне белән котлады һәм шул ук көнне район үзәгенең күп кенә спорт мәйданчыкларында үткәрелгән уеннарда җиңүче волейболчыларны дипломнар һәм кыйммәтле бүләкләр белән бүләкләде. Шулай ук Чирмешәнлеләрне бәйрәм белән Чирмешән муниципаль районы Башкарма комитеты җитәкчесенең социаль мәсьәләләр буенча урынбасары Рузилә Рәхмәтулла кызы Минхәерова котлады һәм чэчэк бәйрәмендә җиңүчеләргә дипломнар һәм бүләкләр тапшырды.
Бу көнне импровизацияләнгән сәхнәдә «Шенталинка» халык җыр ансамбле , Шентала район мәдәният йортының «якташлар» ансамбле, татар эстрадасының популяр артистлары – Татарстан Республикасының атказанган артисты Радик Шәрипҗанов, Азат һәм Алсу Фазлыевлар чыгыш ясады.