Үзмәшгульләрнең пенсия хокуклары
Чирмешән районында клиентлар хезмәте «һөнәри керемгә салым» махсус салым режимын кулланучы үзмәшгуль гражданнарның игътибарын җәлеп итә, бары тик иминият взносларын түләү генә эшмәкәрлек эшчәнлеген иминият стажына кертергә һәм пенсия билгеләү өчен кирәкле индивидуаль коэффициентлар тупларга мөмкинлек бирәчәк.
Моның өчен махсус салым режимын кулланучы үзмәшгуль гражданнар мәҗбүри пенсия иминияте буенча ирекле хокук мөнәсәбәтләренә керергә хокуклы. Тиешле гариза яшәү урыны буенча ПФР Идарәсенә яки гражданинның Шәхси кабинеты аша Россия Пенсия фондының рәсми сайтында, Дәүләт хезмәтләре порталы, «Минем салым»мобиль кушымтасы аша бирелә.
Россия Пенсия фонды идарәләрендә мондый хокук мөнәсәбәтләренә керүче үзмәшгульләрне теркәү салым органында «һөнәри керемгә салым " махсус салым режимын кулланучы салым түләүче сыйфатында исәпкә кую фактын раслау турындагы гариза, паспорт һәм белешмәләр нигезендә башкарыла. Гариза биргәннән соң, РПФ үзмәшгульлеген терки һәм аңа тиешле белдерү кәгазе бирә.
«Һөнәри керемгә салым» махсус салым режимын кулланучы һәм мәҗбүри пенсия иминияте буенча ирекле хокук мөнәсәбәтләренә кергән гражданнарга иминият стажын исәпләү чорында мәҗбүри пенсия иминиятенә (2021 елда – 32 448 сум) һәм максималь күләмдә (2021 елда – 256 185,60 сум) түләргә, шулай ук ел буе РПФТА теркәү исәбендә торырга кирәк.
Взнос түләгән очракта иминият стажына түләнгән взнос суммасына пропорциональ чор исәпләнәчәк.
Мәҗбүри пенсия иминияте буенча хокук мөнәсәбәтләренә ирекле керү турында гариза исәп-хисап чоры дәвамында пенсия фонды Идарәсенә тапшырылса, бу чор өчен түләнергә тиешле иминият взнослары күләме эшкуар мәҗбүри пенсия иминияте буенча хокук мөнәсәбәтләрендә торган календарь айларына пропорциональ рәвештә билгеләнә.
Взносларны ел дәвамында бер сумма яки өлешләп түләргә була. Бөтен чор өчен түләү агымдагы елның 31 декабреннән дә соңга калмыйча башкарылырга тиеш.