Сугышчы-интернационалистларны искә алу көненә багышланган митинг

2023 елның 12 феврале, якшәмбе

2023 елның 15 февралендә соңгы хәрби частьнең Әфганстаннан туган якларына кайтканга 34 ел тула. Әфган сугышы - XX гасырның иң озын һәм фаҗигале сугышларының берсе.

12 февральдә Чирмешәндә сугышчы-интернационалистларны искә алу көненә багышланган митинг узды. Митингта Татарстан Республикасы Чирмешән муниципаль районы башлыгы Айбатов Р.Т., Татарстан Республикасы Аксубай һәм Чирмешән районнары хәрби комиссары подполковник Иванов С. В., сугыш хәрәкәтләре ветераннары катнашты.

Хәтер һәм хөрмәт йөзеннән мәңгелек ут түренә веноклар салу тантанасы булды. Һәлак булганнарны бер минут тынлык белән искә алдылар.