Балаларны яклау көненә багышланган бәйрәм чарасы
Бүген, 1 июнь - Балаларны яклау көне.
Балаларны яклау көне уңаеннан,өлкәннәр һәм инвалидлар йорт-интернаты каршындагы паркта, ТР Чирмешән муниципаль районы башкарма комитетының мәдәният бүлеге, яшьләр эшләре һәм спорт бүлеге «Күңелле каникуллар» исемле балачак бәйрәме оештырды.
Район мәдәният йорты хезмәткәрләре аниматор ролендә чыгыш ясады. Әкияттәге персонажларга киенеп, алар балаларның кәефен күтәрделәр, иҗади фотозона янында фотога төшәләр.
Чарада катнашучыларны зур бәйрәм концерты, интерактив мәйданчыклар, мастер-класслар һәм иҗади остаханәләр, уеннар һәм конкурслар, аниматорлары, балалар аттракционнары, татлы мамык һәм башка күп нәрсәләр көтә.
Чирмешән муниципаль районы башкарма комитеты җитәкчесе Җамалетдинов Илнур Минсәгыйть улы котлау сүзе белән чыгыш ясады, шулай ук истәлекле бүләк тапшырды, шулай ук барлык балаларны Россия Эчке эшләр министрлыгының Чирмешән районы буенча Дәүләт автоинспекциясе бүлеге начальнигы, полиция майоры Рәмис Шакуров котлады, ул күп балалы гаиләгә балалар автокреслосы тапшырды.
Бәйрәм концерты Чирмешән районы яшь артистлары чыгышы белән дәвам итте.