Чирмешән муниципаль районында "Гасырлар мирасы" I Бөтенроссия халык мәдәнияте фестивале узды
Чирмешән муниципаль районында «Гасырлар мирасы» I Бөтенроссия халык мәдәнияте фестивале узды.
Фестиваль район мәдәният йорты, авыл мәдәният йортлары һәм авыл клублары хезмәткәрләре әзерләгән композициядән башланды.
Район халкына һәм кунакларына, чарада катнашучыларга сәламләү сүзләре һәм котлаулар белән Чирмешән районы башлыгы урынбасары Гомәрова Надежда Габдрашит кызы, Казан халык һәм сәнгать кәсепләре техникумы директоры, "Чирмешән якташлыгы" рәисе Саубанова Раушания Киямет кызы, Самара өлкәсенең Камышлы районы мәдәният, спорт, туризм һәм яшьләр сәясәте комитеты Идарәсе җитәкчесе Тухбатшина Ризидә мөгтәбар кызы мөрәҗәгать итте.
Чара ике мәйданчыкта дәвам итте: ишегалды территориясендә борынгы милли йолалар конкурслары, курчаклар күргәзмәсе, район осталарыннан мастер-класслар оештырылды һәм, әлбәттә, барысын да милли ризыклар белән сыйладылар.
Мәйданның төп сәхнәсендә кызлар арасында матурлык конкурсы, милли киемнәр конкурсы - дефиле, милли уеннар һәм күңел ачулар булды, фестивальдә Казан шәһәреннән ZAKARIA фолк-төркеме чыгышы ясады.
1,5 диаметрлы табада әзерләнгән җәймә чарада катнашучыларның барысын да шакатырды.