Чирмешән мәктәпләре укучылары өчен "Фолк дәрес"

2023 елның 24 октябре, сишәмбе

24 октябрьдә 1нче Чирмешән  мәктәбенең 7нче сыйныф укучылары өчен Пушкин картасы буенча «Фолкдәреск» узды.

 Балалар  Татарстан халыклары Ассамблеясының район мәдәният йортында урнашкан вәкиллегендә булдылар. Алар мәдәният, милли костюмнар, Чирмешән районында яшәүче халыкларның көндәлек көнкүреш әйберләре һәм эш кораллары белән таныштылар.

Шулай ук балалар викторинада актив катнаштылар,  алар төрле милләт халкының баш киемнәрен киеп карадылар, тарихка тирәнрәк кереп китә алдылар, хәтта тавыш инструментлары ярдәмендә биеделәр ,  җырлар җырладылар.