Сугышчыларны искә алу

2024 елның 18 апреле, пәнҗешәмбе

Түбән Кармалкада 1941-1945 елларда Бөек Ватан сугышында һәлак булган сугышчылар истәлегенә  һәйкәл бар.
Мәктәп укучылары аны көзен яфраклардан, язын узган елгы үләнне һәм чүп - чарны җыялар, кышын кардан чистарталар.
Бүген дә, санитар-экологик айлык кысаларында, Түбән Кармалка мәктәбе укучылары үзләренең сыйныф җитәкчеләре белән һәйкәл тирәсендәге территорияне җыештыруны оештырдылар: чүп-чар, коелган яфракларны җыеп алдылар. Шулай ук Никольский чиркәве территориясен дә тәртипкә китерделәр.
Балалар бу эшне җаваплылык хисе белән башкардылар. Димәк, киләчәктә алар үз авылларының чын геройлары турында онытмаячаклар.