«Мәскәү өчен сугыш» темасына батырлык дәресе
Мемориаль үзәк экскурсоводы Чирмешән кадет интернат-мәктәбендә Россиянең иң мөһим хәрби дан көннәренең берсенә багышланган «Мәскәү өчен сугыш» темасына батырлык дәресе үткәрде.
1941 елның 5 декабрендә Бөек Ватан сугышында Мәскәү өчен сугышта борылыш моменты була. Совет гаскәрләре оборонадан һөҗүмгә күчтеләр. 1941-1942 елгы Мәскәү сугышы Германиягә беренче көчле удар ясады, аның җиңелмәс булуы турындагы мифны җимерде. Мәскәү өчен көрәш озак айлар дәвам итте, башкаланы саклауга бөтен халык күтәрелде.
Музей экскурсоводы сугыш барышы, 7 ноябрьдә Кызыл мәйданда узган хәрби парад, «Тайфун» фашистларының планнары турында сөйләде. Чара дәвамында «Битва за Москву» кинохроникасы күрсәтелде. Патриотик дәрес тагын бер тапкыр төп нәрсәне истә тотарга – дошман Мәскәү диварлары янында басып торган дәһшәтле көннәрдә кылган батырлыклары белән башкалабызны саклап калган сугышчыларны искә төшерергә чакыра.