Үзәк Яңа ел чыршысын ачу тантанасы
Кичә Чирмешәннең Яшьләр мәйданчыгында үзәк Яңа ел чыршысын ачу тантанасы булды!
Бәйрәм Кыш бабайлар һәм Кар кызлары, анимация костюмнары кигән әкият геройлары, беренчеләрдән булып хәрәкәттә катнашучылар бию композициясеннән башланды.
Котлау сүзе белән Татарстан Республикасы Чирмешән муниципаль районы башлыгы Айбатов Рамил Тәлгать улы, Татарстан Республикасы Чирмешән муниципаль районы башкарма комитеты җитәкчесе Җамалетдинов Илнур Минсәгыйть улы. В.Д. Шашин исемендәге «Татнефть» ачык акционер җәмгыятенең бизнеска хезмәт күрсәтү үзәгенең Нурлат районы буенча социаль программаларны гамәлгә ашыру үзәге җитәкчесе урынбасары Сафиуллин Ришат Рәшит улы чыгыш ясады.
Татарстан Республикасы Чирмешән муниципаль районында авыл җирлекләре һәм оешмалары арасында территорияләрне һәм мәйданчыкларны иң яхшы бизәүгә конкурс йомгаклары буенча җиңүчеләр бүләкләнде.
Шулай ук «Үз кулларың белән ясалган иң яхшы патриотик Яңа ел чыршы уенчыгы» конкурсында катнашучылар да бүләкләнде.
Бәйрәм уеннар, Чирмешән районы үзешчәннәре концерты белән дәвам итте. Кунакларны бәйрәмнең иң төп кунаклары, Кыш Бабай һәм Кар Кызы сөендерде, алар Яңа ел чыршысын кабыздылар. Аннары Кыш Бабай резиденциясе ачылды, анда балалар Кыш Бабай һәм Кар Кызы белән якыннанрак аралаша алдылар.
Кыш Бабай резиденциясе 23 декабрьдән 8 гыйнварга кадәр, 15.00 сәгатьтән 21.00 сәгатькә кадәр, Совет урамы, 37 йорт адресы буенча эшли. Балаларны Кыш бабай резиденциясенә чакырабыз!