Район мәдәният йортында 90 нчы еллар стилендә Иске Яңа елны бәйрәм иттеләр
13 гыйнварда район мәдәният йортында Иске Яңа елны бәйрәм иттеләр.
Программага уеннар, конкурслар, викториналар, дәртле җырлар һәм әлбәттә биюләр, шулай ук 90нчы еллар стилендәге фотозона кертелгән иде.
Чарада катнашучылар үткәнгә, 90 нчы елларда, «Денди», «Юпи» һәм башка бик күп нәрсәләр популяр булган вакытка мавыктыргыч сәяхәт ясадылар. Музыкаль номерлары белән Чирмешән районы үзешчән артистлары куандырды. Кыш Бабай белән Кар Кызы котлавы күңелле сюрприз булды. Өлкәннәр һәм балалар Кыш Бабайга шигырьләр сөйләделәр, җырлар җырладылар, чыршы тирәли әйлән-бәйлән уйнадылар. Шулай итеп, шаяртулар, биюләр һәм сөйләшүләр артыннан сиздермичә генә вакыт үтеп китте. Чара бәйрәм дискотекасы белән тәмамланды.
Әлеге чарада катнашучыларның барысына да рәхмәт белдерәбез!