«Минем туган ягым – минем язмышым!» исемле уен-күңел ачу программасы

2025 елның 27 гыйнвары, дүшәмбе

Россиядә студентлар  һәм Татьяна көне ел саен 25 гыйнварда билгеләп үтелә, әлеге бәйрәмнәр хөрмәтенә район мәдәният йортында «Минем туган ягым – минем язмышым!» исемле уен-күңел ачу программасы үткәрелде.

Уенда Чирмешән аграр техникумы, 1 нче Чирмешән урта мәктәбенең 10 нчы сыйныф укучылары һәм педагоглар командалары катнашты. Һәр команда исем һәм девиз уйлап табарга тиеш иде. Катнашучылар өчен мантыйкка кызыклы викториналар, командалы шаяру биремнәре һәм конкурслар әзерләнгән иде.

Ахырдан һәр командага студентлар көненә багышланган чарада актив катнашкан өчен рәхмәт хатлары һәм кызыксындыру бүләкләре тапшырылды. Әлеге чарада катнашучыларның барысына да зур рәхмәтебезне белдерәбез!