Туймәт авылы мәдәният йортында капиталь ремонт бара

2025 елның 19 марты, чәршәмбе

Мәдәният объектларын капиталь ремонтлауның республика программасы буенча Туймәт авылы мәдәният йортында ремонт башланды. Ремонт эшләрен "Континент" төзелеш компаниясе " ҖЧҖ  алып бара. Ремонт барышында түбә яңартылачак, электрүткәргечләр, җылыту системасы алыштырылачак, бина тышланачак һәм тирә-юне төзекләндереләчәк. Шулай ук  креслолар, мебель һәм музыкаль җиһазларны яңарту каралган. Бу максатларга республика бюджетыннан 27миллион 678 мең сум акча бүлеп биреләчәк.