Әйләнә-тирә мохитне саклау турында дәрес

2025 елның 7 апреле, дүшәмбе

2 разрядлы өлкән инспектор Мингалиева Венера Гамир кызы 2 нче Чирмешән мәктәбендә  әйләнә-тирә мохитне саклау турында дәрес уздырды. 2 нче һәм 3 нче сыйныф укучылары үзләренең белемнәрен тикшереп кенә калмадылар, ә Татарстан Республикасында уза торган экологик акцияләр турында да белделәр. Балаларның игътибары һәр җирдә аунап яткан чүп-чарның җиргә, һавага, суга зыян китерүенә юнәлтелде. Экологик дәрестә балалар  җирне ничек чистартырга һәм сакларга дигән үз фикерләрен тәкъдим иттеләр.

Дәрес азагында балаларга  китаплар бүләк иттеләр.