«Музей эзтабары» дигән мавыктыргыч квест-уен

2025 елның 18 июле, җомга

Мемориаль үзәк «Музей эзтабары» дигән мавыктыргыч квест-уен уздырды. «Күңелле каникуллар» акциясе кысаларында оештырылган чара табышмаклар чишәргә, тарихны өйрәнергә һәм саф һавада күңелле биремнәр башкарырга әзер балаларны җыйды.

Яшь эзтабарлар башваткычлар һәм үткәндәге кызыклы фактлар белән тулы маршрут үттеләр. Балалар зирәклек, игътибарлылык күрсәттеләр, шулай ук интерактив форматта күп яңалыклар белделәр.