Чирмешән муниципаль районы башлыгы иң яхшы комбайнчыларны урып-җыю кампаниясендә югары күрсәткечләр өчен бүләкләде

2025 елның 2 сентябре, сишәмбе

Чирмешән муниципаль районы башлыгы Рамил Айбатов авыл хуҗалыгы оешмаларында урып-җыю кампаниясенең барышын шәхсән үзе тикшерде.

Авыл хуҗалыгы предприятиеләрен йөреп чыкканда, район башлыгы иң яхшы комбайнчыларыбызны шәхсән үзе бүләкләде. Аларга 1 һәм 2 мең тоннадан артык ашлык суктырганнары өчен сертификатлар тапшырылды.

Механизаторларны лаеклы бүләкләре белән котлыйбыз! Сезнең хезмәт — безнең иминлегебезнең нигезе.