Чирмешәнгә кунаклар килде
«ТМС групп» ҖЧҖ нефть, газ сәнәгате һәм төзелеш хезмәткәрләренең гомумроссия һөнәри берлеге "Татнефть Профсоюз" төбәкара профсоюз оешмасы вәкилләре Чирмешән муниципаль районына мәдәни ял оештыру максатында килделәр.
Музей белгечләре алар өчен Чирмешән крепостенә экскурсия оештырды. Безнең район кунаклары 18 йөз башында императрица Анна Иоанновна Указы нигезендә төзелгән куәтле фортификацион җир ныгытмасы икәнен, төрле елларда крепостьның роле турында белделәр. Крепость диварлары буйлап йөреlделәр. «ТМС групп» вәкилләре Чирмешән крепостенең масштаблары һәм матурлыгына шаккаттылар һәм Чирмешән крепостенең ТР Мәдәни мирас реестрына керүен белделәр. Аннары туган як тарихы музеенда булдылар. Музей белгечләре кунакларны гамәлдәге экспозицияләр белән таныштырдылар: Чирмешән районы, төбәкнең күренекле кешеләре турында сөйләделәр, районыбызның кара алтынына – нефтькә багышланган яңа экспозициядә булдылар. «Тормыш һәм көнкүреш» залында кешеләрнең үткәндәге көндәлек тормышын күрсәтә торган предметларны карадылар. Советлар Союзы Герое Иван Никитич Коневның оныгы үтенече буенча "ТМС групп" "Советлар Союзы Герое И. Н.Конев исемендәге Чирмешән кадет мәктәп-интернатында" булдылар. Геройның оныгы Пушкаревская Марина Владимировна кадетларга якташыбыз Иван Никитич тормышындагы кайбер кызыклы фактлар турында сөйләде. Шулай ук музейга 1945 елгы газетаның оригиналын бүләк итә, анда геройның сеңлесенә үз куллары белән язган теләкләре язылган. "ТМС групп" вәкилләре музей хезмәткәрләренә мавыктыргыч һәм кызыклы экскурсия өчен, җылы һәм яхшы кабул иткәннәре өчен рәхмәт белдерделәр һәм музейның бәяләмә китабында үзләренең рәхмәтләрен яздылар.