Анна Иванова "Чуваш гүзәле-2025" титулын яулады
11 октябрь көнне Казанның Халыклар дуслыгы йортында «Чуваш гүзәле -2025» республика матурлык һәм талант конкурсының финалы булып узды.
«Чуваш гүзәле» республика матурлык һәм талант конкурсы - чуваш мәдәнияте һәм традицияләре рухы белән сугарылган, һәрвакыт истә калырлык вакыйга. Конкурс, һәрвакыттагыча, тамашачыларны үзенең матурлыгы, грациясе һәм катнашучыларның талантлары белән сөендерде.
Чирмешән районыннан Анна Иванова катнашты, ул конкурс йомгаклары буенча «Чуваш гүзәле-2025» титулын яулады.
Анна жюрины тышкы кыяфәте белән генә түгел, таланты, чуваш мәдәнияте һәм традицияләре буенча тирән белемнәре белән дә таң калдырды.
Хәзер Аннаның яңа мактаулы миссиясе барлыкка киләчәк - "Россиянең чуваш гүзәле" Бөтенроссия конкурсында Татарстанның чуваш диаспорасын тәкъдим итү.
Аны җиңүе белән котлыйбыз! Аңа алга таба да уңышлар телибез! Аннага ярдәм итәргә килгән барлык кешеләргә рәхмәт белдерәбез!