Чирмешәндә Бөтенроссия балаларга хокукый ярдәм күрсәтү көне билгеләп үтелде
2025 елның 8 ноябрендә «Орион» яшьләр ял итү үзәгендә Бөтенроссия балаларга хокукый ярдәм күрсәтү көненә багышланган традицион чара узды. Бу мөһим акция Чирмешән районында 2015 елдан бирле инде унынчы мәртәбә уздырыла.
Чараның максаты-үсеп килүче буынның хокукый грамоталылыгын арттыру һәм балалар белән өлкәннәр арасында үзара аңлашуны ныгыту. Очрашуда Чирмешән лицееның өлкән сыйныф укучылары һәм районның төп хокукый структуралары вәкилләре катнашты.
Югары сыйныф укучыларында район прокуроры белән шәхсән аралашу мөмкинлеге аеруча зур кызыксыну уятты. Балалар прокуратура органнарының эш үзенчәлекләре, хезмәткә керү шартлары һәм булачак юристларны әзерләүче югары уку йортлары турында сораулар бирделәр. Чара җылы һәм конструктив атмосферада узды, яшьләрне хокукый яктан агартуга һәм үсеп килүче буын белән хакимият вәкилләре арасында диалогны ныгытуга ярдәм итте.