"Фронт хатлары" акциясен ябу тантанасы
Билгесез солдат көнендә Чирмешән районында мемориаль үзәк тарафыннан Җиңүнең 80 еллыгы һәм Ватанны саклаучылар елы уңаеннан оештырылган «Aронт хатлары» патриотик акциясенә йомгак ясалды.
Проект, мәктәп укучыларыннан алып өлкән буынга кадәр, дистәләгән район халкын берләштерде. Катнашучылар өчпочмаклы хатларына яңа тормыш һәм тавыш бүләк итеп, музей фондларыннан чын фронт хатларының видео-укуларын яздырдылар.
3 декабрьдә узган тантаналы чара музыкаль номерларны үз эченә алды. Балалар сәнгать мәктәбе укытучылары башкаруында җырлар яңгырады: Наталья Григорьева һәм Альбина Гыйльфанова дуэты, Гүзәлия Сәлахова.
Акциядә катнашучыларга сертификатлар тапшыру тантанасы кульминация булды. Мемориаль үзәк директоры "Хәтерне саклау эшендә автордаш" булганнарның барысына да рәхмәт белдерде. Чарага Чирмешән муниципаль районы башлыгы Айбатов Рамил Тәлгать улының катнашуы аеруча зур әһәмият бирде, ул проектны беренчеләрдән булып хуплады.
Проектның барлык видеороликлары ВКонтакте бергәлегендә җыелган, аның турында «Россия ТНВ» телеканалы һәм «Безнең Чирмешән» газетасы сөйләде. Акция материаллары музей фондларында лаеклы урын алачак һәм булачак күргәзмәләрдә һәм чараларда кулланылачак.
Мемориаль үзәк экскурсоводы Җиһаншина А. И.