"Йолдызлык - Созвездие - 2014"

17-18 март көннәрендә Болгар шәһәрендә "Йолдызлык-Созвездие - 2014" XIV Эстрада сәнгате ачык республика телевизион фестиваленең зона этабы узды. Чирмешән балалар сәнгать мәктәбеннән фестивальдә "Вокал-соло" номинациясендә Иляева Снежана (җитәкчесе Иляева Наталья Васильевна), Абдувалиева Камилла (Григорьева Наталья Ивановна), "Хореография" номинациясендә "Бәхетле балачак" хореография ансамбле (Бакеева Алина Рәшитовна) катнаштылар.

Нәтиҗәләр сөенерлек: "Бәхетле балачак" хореография ансамбле - 1 урынны, Иляева Снежана 3 урынны яуладылар. Безнең укучыларыбыз Казанда, фестивальнең финал турында чыгыш ясаячаклар.