Бөек Җиңүнең 70 еллыгын каршылап

Бөек Ватан сугышында Җиңүнең 70 еллыгы якынлаша. Әлеге данлыклы көнне лаеклы каршылауга районда зур эшләр башкарыла. Беренче чиратта, фронттан әйләнеп кайта алмаучылар искә алына, безнең арада яшәүче ветераннар хөрмәтләнә. 

Балалар сәнгать мәктәбе каршында эшләп килүче Лашман филиалында белем алучы укучылар да даими рәвештә авылдагы ветераннар Хәниф Гыйматдинов һәм Габдулла Мөхәммәтшин белән очрашалар, аларга хуҗалык эшләрендә ярдәм итәләр. Укучылар ветераннарның истәлекләренә нигезләнеп мәгълүматлар туплыйлар һәм документаль фильмнар әзерлиләр. 20 март көнне класс сәгатендә шундый фильмның премьерасы булды, укучыларга Бөек Ватан сугышы турында төшерелгән әлеге күренешләр бик ошады.