Гомум белем бирү учреждениеләре музейларының төбәк конкурс-смотрының муниципаль этабы

Конкурсның максаты - патриотик тәрбия бирү эшчәнлеге системасын камилләштерү, аның нәтиҗәлелеген арттыру, аның эчтәлеген рухи-әхлакый яктан баету. Бәйгедә районның барлык гомум белем бирү учреждениеләренең дә музейлары катнаша. Алар туган якны өйрәнү түгәрәкләрендә шөгыльләнүче балалар белән бергә Җиңүнең 70 еллыгына багышланган яңа экспозицияләр булдыралар, укучылар, авылдашлары, сугыш һәм хезмәт ветераннары өчен экскурсияләр оештыралар. Музейларда Бөек Ватан сугышында катнашкан авылдашлары турында аларның хатлары, биографияләреннән һәм башка кызыклы мәгълүматлардан торган электрон базалар булдырыла. Район этабында җиңүчеләрнең эшләре Казанга, республика этабына җибәреләчәк.