"Маэстро-ансамбль" лекция - концерты

2 апрельдә Балалар сәнгать мәктәбенең халык бүлегендә "Маэстро-ансамбль" лекция - концерты үткәрелде. Чараның төп максаты - балаларны "ансамбль" төшенчәсе белән таныштыру, әлеге музыкаль сүзне тирә-як мохит белән бәйләү. Бурычлары: балаларда сәнгать һәм эстетикага мәхәббәт тәрбияләү, ансамбльдә чыгыш ясау нечкәлекләре белән таныштыру.

Концертта аккордеончылар ансамбле (җитәкчесе Альбина Арютина), думбрачылар дуэты һәм ансамбле (Диана Арютина), баянчылар һәм "Фантазия" халык иструментлары ансамбле (Владимир Юрин), курайчылар (Антон Семкичев), "Көмеш кыллар" гитара ансамбле (Гүзәлия Сәлахова) чыгыш ясадылар. 

Чараны Диана Арютина, Елена Фәсхетдинова әзерләделәр, Альбина Арютина алып барды.