"IT - чемпион" конкурсы дәвам итә

Татарстанда чираттагы "IT - чемпион" конкурсы бара. Быел әлеге бәйгедә аерым укучылар гына түгел, мәктәпләр дә катнаша. Призлар да кызыктырырлык - өлкәннәр арасында электрон дәүләт хезмәтләрен актив таратучы укучыларга - ноутбуклар, ә мәктәпләргә компьютер җиһазлары комплектлары бүләк итәләр. Татарстан чиновниклары шундый конкурслар ярдәмендә электрон дәүләт хезмәтләре күләмен 70 процентка кадәр җиткерүне күздә тоталар. 

- Быелгы "IT - чемпион" конкурсына ике зур үзгәреш кертелде,- дип хәбәр итте матбугат конференциясендә ТР Мәгариф һәм министрының урынбасары Андрей Поминов. - Беренчедән, бәйге элеккеге кебек өч этапта түгел, ике этапта гына узачак. Беренче этапның йомгаклары май аенда, җәйге каникуллар алдыннан билгеле булачак. икече этап һәм ел буена бәйге нәтиҗәләренә декабрьдә йомгак ясалачак. Беренче этапта катнашучылар икенчесендә дә катнаша ала, ләкин аларның алдан җыйган баллары саналмаячак."Иң актив укучы" - ноутбук, "Иң актив мәктәп" номинациясендә җиңүчеләр компьютер җиһазлары белән бүләкләнәчәк. Ел нәтиҗәләре буенча "Иң актив мәктәп" исеменә лаек булган белем йортына мобиль компьютер класслары тапшырылачак. Бу бик кыйммәтле бүләк, аның бәясе 1 миллион сумга якын тора.

Тулы мәгълүмат:  http://mon.tatarstan.ru/  сайтында.