Белем бирү учреждениеләре җитәкчеләре һәм укытучылары өчен семинар

Intel белем бирү программасын тормышка ашыручы мәктәпләренең эш тәҗрибәсен Татарстан Республикасында тарату һәм мәгариф хезмәткәрләренә методик ярдәм күрсәтү максатыннан 10 апрельдә 16 нчы Әлмәт урта гомумбелем мәктәбе базасында белем бирү учреждениеләре җитәкчеләре һәм укытучылары, мәгариф бүлеге белгечләре өчен семинар уздырылды. Әлеге семинар "Заманча белем бирү технологияләре: Татарстан Республикасында Intel белем бирү программасы буенча Мәктәп - Үзәкләр тәҗрибәсе" дип исемләнгән иде. Әлеге чарада Чирмешән районыннан "Мәгариф бүлеге" МУ методисты В.В. Захаров, "Чирмешән лицее" директоры М.Ә. Могыйзов, "Чирмешән лицее" информатика укытучысы М.В. Ермолаева, 1 нче Чирмешән мәктәбенең информатика укытучысы Ф.А. Әсадуллина, 2 нче Чирмешән мәктәбенең математика укытучысы В.А.Кириллова катнаштылар.