"Әзер бул! Юк, дип әйт!" республика акциясе

Чирмешән кадет мәктәп-интернаты педагог-психологы Г.Вафина, 2 нче Чирмешән урта мәктәбе педагог - оештыручысы Э.Ганеева, Чирмешән лицее педагог - оештыручысы Т.Кудряшова җитәкчелегендә укучылар Чирмешән урамнарында сорашу да уздырган. Якташларыбыз наркотиклар белән бәйле җинаятьләр өчен закон тарафыннан нинди җәзалар каралуын беләме? 

-Наркотикларны тарату, аларны саклау, җитештерү, притоннар тоту, балигъ булмаганнарны әлеге әфьюнны татып карарга этәрү кебек начар гамәлләр өчен кануннарның кырыс булганлыгы хакында күпләр хәбәрдар түгел икән, - ди Чирмешән кадетлар интернат-мәктәбе укучысы Диана Асабина. - Без халыкка шушы кыек эш өчен җаваплылык хакында сөйләдек. “Юк!- дияргә әзер бул!“ акциясе барышында 456 якташыбыз наркотикларга каршы булуын белгертеп, без ясаган плакатка үз имзаларын куйды.