"Каенкай" балалар бакчасында тәрбияләнүче балалар музейга бардылар

9 Май бәйрәме алдыннан Чирмешәннең "Каенкай" балалар бакчасында Җиңү көненә багышланган чара уздырылды. Балалар тәрбиячеләре һәм бакча мөдире Әлфия Гыйләҗева белән бергәләп Җиңү паркына бардылар, Солдат һәйкәленә чәчәкләр салдылар. Экскурсия мемориаль үзәктә дәвам итте. Балалар хәрби тематикага караган экспонатлар белән таныштылар, экскурсовод Лидия Мурзинаның сугыш турында сөйләгәннәрен кызыксынып тыңладылар.