Музейда тирә-якны өйрәнү дәресе

Мемориаль үзәкнең Бөек Ватан сугышы залында 1 нче Чирмешән урта мәктәбе укучылары өчен тирә-якны өйрәнү дәресләре уздырылды. Балалар Бөек Ватан сугышы, анда катнашучы якташларыбыз турында бик күп кызыклы мәгълүматлар алдылар. Башлангычларда укучылар өчен барысы да кызыклы, алар "Хәтер дивары"н да бик  озаклап өйрәнделәр, "Ватан солдатлары" дигән экспозициядәге фронтовиклар фоторәсемнәрен, Советлар Союзы геройлары портретларын да җентекләп карадылар.  Сугыш чоры хатлары аларда бигрәк тә зур кызыксыну уятты.