Мәктәпләрдә быелгы уку елында соңгы дәресләр бара

Менә "Соңгы кыңгырау" да чыңлады, унбер еллык мәктәп тормышы инде артта калды. Чыгарылыш сыйныфларны алда дәүләт имтиханнары көтә. 1 нче Чирмешән урта мәктәбенең 11 класс укучылары өчен соңгы тарих дәресләре бигрәк тә кызыклы үтте. Класс җитәкчеләре Ксения Баляева һәм экскурсовод Лидия Мурзина алар өчен Чирмешән авылының тарихи урыннарында дәрес-экскурсияләр үткәрделәр. Укучылар Геройлар аллеясында, Җиңү паркында, Чирмешән крепостенда, Титов һәйкәле янында, туган як тарихы музеенда булдылар. Укучылар истәлекле урыннарда бергәләшеп фоторәсемгә дә төштеләр.