"Язгы игелек атнасы – игелекле эшләр эстафетасы #МӘРХӘМӘТЛЕТАТАРСТАН" республика акциясе һәм "Дуслык көне" республика акциясе кысаларында район үзәк больницасы хезмәткәрләре йорт-интернатта булдылар. Биредә 61 кеше яши.
Акциядә катнашучыларның артериаль кан басымнарын, кандагы шикәрне тикшерделәр, киңәшләрен бирделәр, өлкәннәргә "Олыгайгач сәламәтлекне ничек сакларга?" темасын лекция укыдылар.
Өлкәннәр һәм инвалидлар йорт-интернаты директоры Җәүдәт Мотыйгуллин даими хезмәттәшлек һәм игътибар өчен рәхмәт белдерде.