Бөек Ватан сугышында Җиңүнең 71 еллыгы уңаеннан оештырылган тантаналы чарага өлкәннәр һәм инвалидлар йорт-интернатына кунаклар килде

Бөек Ватан сугышында Җиңүнең 71 еллыгы уңаеннан оештырылган тантаналы чарага өлкәннәр һәм инвалидлар йорт-интернатына кунаклар -  Татарстан Республикасы Дәүләт Советы депутаты Рәис Сөләймановның  ярдәмчесе Игорь Анохин,  Татарстан Республикасы Дәүләт Советы депутаты Рөстәм Хәлимовның ярдәмчесе Рузил Шәймардановлар килде.

Чарада сугыш ветераннарының тол калган хатыннарына һәм тыл хезмәтчәннәренә район башлыгы Фердинат Дәүләтшин исеменнән һәм  депутат ярдәмчеләре үзләренең бүләкләрен тапшырдылар. Район социаль яклау бүлеге начальнигы Рушания Әхмәдуллина биредә яшәүче  һәр өлкән кешегә күчтәнәчләр өләште.

Депутатлар  йорт-интернатта капиталь ремонт үткәрүдә һәм җиһазлар алуда ярдәм иттеләр. Өлкәннәр һәм инвалидлар йорт-интернаты коллективы һәм монда яшәүчеләр депутатларга бик рәхмәтле.