Мансур Галүтдинов - талантлы музыкант!

Россия Федерациясе Дәүләт Думасы депутаты Ольга Павлова март ахырында районда узган кабул итүдә балалар сәнгать мәктәбе укучысы Мансур Галәүтдиновка гитара бүләк итәргә ышандырган иде. Депутат вәгъдәсен санаулы көннәрдә үтәде - 29 мартта оста С.Соколов ясаган гитараны талантлы музыкантка Казан консерваториясенең Салих Сәйдәшев исемендәге Зур залында, “XXI гасырда классик гитара” Халыкара фестивальнең гала-концертында үзе тапшырды. Халыкара, Бөтенросия һәм республика конкурслары лауреаты Мансур моңа бик шат һәм рәхмәтле.