Ноябрьдә татарстанлыларны өстәмә ял көтә

2019 елның 29 октябре, сишәмбе

Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күп санлы мөрәҗәгатенә җавап итеп хәбәр итә.

РФ Хезмәт кодексының 112 нче маддәсе нигезендә 4 нче ноябрь – Халыклар бердәмлеге көне – эшләми торган бәйрәм көн булып санала.

"Татарстан Республикасының бәйрәм көннәре һәм истәлекле даталары турында" 1992 елның 19 февралендәге 1448-XII номерлы Татарстан Республикасы Законы нигезендә  6 нчы ноябрь – Татарстан Республикасы Конституциясе көне эшләми торган бәйрәм көн булып исәпләнә.

Шулай итеп, 2019 нчы елда биш көнлек эш атнасында 4 һәм 6 нчы ноябрь ял көннәре булып санала. 5 ноябрьдә эш көне озынлыгы бер сәгатькә кыскара.