29 ноябрь көнне Ульяновка авылы "Звездочка" балалар бакчасында аз комплектлы балалар бакчалары мөдирләренең "Мәктәпкәчә оешманың төрле яшьтәге төркемендә предмет-пространство мохитен булдыру" дигән темага иҗат төркеме семинары булып узды. Семинарда кече һәм өлкән төркемнәрдә танып-белү үсеше буенча ачык дәресләр күрсәтелде, федераль дәүләт белем бирү стандартлары таләпләре нигезендә мәктәпкәчә белем бирү оешмаларының предмет-пространство мохитен булдыруның заманча алымнары һәм технологияләре турында фикер алыштылар.