Бәдретдинова Рәшидә Сабир кызына 95 яшь!
Рәшидә Сабировнаны юбилее белән район башлыгы урынбасары Җамалтдинов Габдерәшит Мөдәрис улы һәм Башкарма комитет җитәкчесе социаль мәсьәләләр буенча урынбасары Минхәерова Рузилә Рәхмәтулла кызы котладылар. Юбилярга РФ Президенты В.Путинның Котлау хатын һәм район башлыгы Ф. Дәүләтшин исеменнән бүләк тапшырдылар.
Бәдретдинова Рәшидә Сабир кызы 1926 елның 24 августында Урманасты Үтәмеш авылында күп балалы гаиләдә туа.
Әтисе Беренче бөтендөнья сугышында катнаша. Чапай дивизиясендә хезмәт итә һәм орден ала, аны армиядә калырга сорыйлар, ләкин ул үзенең кече ватанына кайта, анда аны барысы да белә, колхоз рәисе булып эшли.
Рәшидә Сабир кызына икенче бөтендөнья сугышы башланганда 15 яшь була:
- Бу ял көнен хәтерлим, укытучы сугыш башлануын игълан итте. Бөтен авыл җирлегеннән көн саен барлык ир-атларны фронтка җыюларын хәтерлим. Ачлык-ялангач булсак та, иң мөһиме солдатларны ашату иде: оекбашлар һәм бияләйләр бәйләдек, хәтта сарыклар савдык, сөтне яралыларга фронтка озаттык.
- Балалар бер көнне үсеп киттеләр. Уртак бәла барыбызны да берләштерде, без бер-беребезгә һәм бигрәк тә гаилә башлыгыннан башка калган кешеләргә булыштык. Басуларда эшләдек, үлән чаптык, кулдан ашлык җыйдык, урман кистек.
Рәшидә апа сугыштан соң Үтәмеш егете Саримгә кияүгә чыга, сигез бала, дүрт кыз һәм дүрт ул тәрбияләп үстерәләр. Складларда кладовщик булып эшләде. Уллары армия сафларына хезмәт иткәргә киткәнче колхозда, тракторларда эшлиләр.
Рәшидә Сабировнага карап, аңа 95 яшь дип әйтеп тә булмый! Ул бик күңелле, ачык йөзле, кызыклы әңгәмәдәш һәм һәрчак яхшы кәефтә.
Аның озын гомерле булу сере - игелегенә, рухына, хезмәт сөючәнлегенә һәм даими хәрәкәтенә таяна.