Чирмешән муниципаль районында территорияләрне һәм мәйданчыкларны иң яхшы Яңа ел бизәлеше буенча конкурста җиңүчеләрне бүләкләү тантанасы
22 декабрь көнне атналык планеркада Чирмешән муниципаль районында территорияләрне һәм мәйданчыкларны иң яхшы Яңа ел бизәлеше конкурсында җиңүчеләрне бүләкләү тантанасы булды.
Җиңүчеләргә дипломнар һәм сертификатлар тапшырылды.
Авыл җирлекләре арасында 1 дәрәҗә диплом һәм 15 000 сумлык акчалата сертификат белән Яңа Элмәле авыл җирлеге бүләкләнде. 2 дәрәҗә диплом һәм 10 000 сумлык акчалата сертификат белән Ивашкино авыл җирлеге бүләкләнде. 3 дәрәҗә диплом һәм 5 000 сумлык акчалата сертификат белән Иске Үтәмеш авыл җирлеге бүләкләнде.
Район оешмалары һәм учреждениеләре арасында урыннар түбәндәгечә билгеләнде:
2 дәрәҗә диплом һәм 10 000 сумлык акчалата сертификат белән район мәдәният йорты һәм Чирмешән үзәк китапханәләр системасы бүләкләнде.
Чирмешән "Ландыш" балалар бакчасы, Чирмешән урманчылыгы, 1 нче Чирмешән урта гомуми белем бирү мәктәбе һәм Чирмешән картлар һәм инвалидлар интернат-йорты 5 000 сумлык акчалата сертификат һәм 3 дәрәҗә диплом белән бүләкләнделәр.