Яңа ел чыршысы янында кышкы уеннар

2021 елның 28 декабре, сишәмбе

22 декабрьдә  район инвалидлар җәмгыяте активы, "Орион " яшьләр үзәге  хезмәткәрләре белән берлектә мөмкинлекләре чикле балалар өчен Яңа ел чарасы үткәрде. Бәйрәмдә балалар биеделәр, Кыш бабай һәм Кар кызы белән табышмаклар чиштеләр. Яңа ел бүләкләрен сатып  алырга хәйриячеләр  булышты, "Шешмаойл" ААҖнең өлеше саллы. Бәйрәм "Арарат" кафесында узды, аның хуҗасы шәхси эшмәкәр Бадоян Р.Л. да балаларга бүләкләр тапшырды. Аларга зур рәхмәт.
Бу көнне район инвалидлар җәмгыяте активистлары һәм волонтерлары өчен Көмеш чыршы да уздырылды, елга йомгак ясалды. Барлык кунакларга, катнашучыларга зур рәхмәт.